KAHABA
mmoja katika mji wa Naivasha, jimbo la Rift Valley nchini Kenya
amenusurika kufa baada ya kupewa kichapo kikali na makahaba wenzake
wakimtuhumu kujiuza kwa bei ndogo na kuwaharibia soko. Wenzake hao wenye hasira walimtwanga kahaba huyo kwa ngumi wakimshutumu kwa kutokuwa na ushirikiano na kuwaharibia soko hasa ikizingatiwa kuwa hivi sasa ni kipindi cha mwisho wa mwezi ambapo mahitaji ya kununua ngono huoongezeka.
Makahaba hao walitekeleza lengo hilo pale walipomzingira kwenye kona, gizani akiwa peke yake, na kumshambulia.
“Unafikiria sisi tutakula wapi kama utaendelea kujiuza kwa bei ya hasara.?” Mmoja wa wanawake hao alimkaripia kwa sauti ya juu.
Mbali na kumpa kichapo kilichomfanya azirai, makahaba hao walitaka kumkeketa (kumtahiri mwanamke) kwa kutumia chupa iliyovunjika, lakini akaokolewa na walinzi wa usiku (wengi wao ni wateja wake) kabla hajafanyiwa kitendo hicho.
"Unajua huyu mama huwa ananipatia kwa mkopo siku ninazokuwa nimechacha hivyo siwezi muacha auliwe na hawa mikora” alisikika mmoja wa walinzi hao wakati wakijaribu kumuokoa mwanamke huyo.
Msuguano ulianza mwezi uliopita baada ya msichana huyo kuhamia mitaa hiyo ,kitu ambacho kiliwakera makahaba wazoefu wa eneo hilo kwa kuwa walimuona kama tishio kutokana na urembo wake.
Kwa mujibu wa dereva wa bodaboda anayeitwa Peter, kahaba huyo amekua ni kivutio na anayependwa na wengi kutokana na uzuri wa umbo lake na rangi nyeupe ya ngozi yake.
Mbali ya punguzo la bei, inadaiwa kuwa kahaba huyo pia hutoa huduma kwa mkopo, kitu ambacho wenzie hawafanyi, hivyo kuzidi kuwaaribia biashara zaidi.
“Kwa kawaida, bei ni kati ya Ksh 100 mpaka Ksh 500 (kama TZ Shs 2,000 mpaka 10,000) inategemeana na mteja. Lakini “Brownie” anauza kwa hata Kshs 50 (TShs 1,000)” alidai Peter.
Idadi ya wateja wake ilikua kwa kasi, kitu kilichopelekea wivu na chuki kutoka kwa makahaba wengine ambao walifikia uamuzi wa kufanya njama za kumpa kichapo ili iwe fundisho.
Kahaba huyo bado yuko hospitalini akipatiwa matibabu huku wateja wake wakimsubiri apone, ili waendelee kupata huduma zake kwa bei nafuu, na kwa mkopo.
Credit: Watemi.com
